 Uşaq bağçasında gün həkimin otağından - bizim Aybolit İradə xanımın gündəlik məcburi baxışı ilə başlanır.
Sonra geyinirik və idmana başlayırıq. İdman xoş havada təmiz hava və şən musiqi sədaları altında aparılır. Uşaqlara çoxlu hərəkət etmək lazım olduğundan dərs məşğələlərindən sonra, 10:45-dən 11:00-dək və yuxudan oyandıqdan sonra, 15:15-dən 15:30-dək ümumi hərəkətlilik olur. Burada əsas məqsəd yerişi və duruşu düzəltməkdir.
Biz hər gün 2 saat çevik oyunlara vaxt ayırırıq.
İsti vaxtlarda su prosedurlarından və jakuzidən istifadə olunur.
Bəzi məşğələlərdə (nitqin inkişafı, əməli ədəbiyyat) uşaqlar yerdə qoyulmuş xüsusi yastıqcıqlarda oturur və ya uzanırlar. Bütün məşğələlərimizdə idman ölçü cihazından istifadə olunur.
Və bunlarla yanaşı uşaqların dözümlülük və çeviklik nümayiş etdirdikləri ənənəvi idman yarışlarımızı da qeyd etməliyik.
Biz nəyi öyrənirik?
Riyaziyyat, savad təlimi, ingilis dili (həftədə 3 dəfə), nitqin inkişafı, bədii ədəbiyyat, ətraf aləmlə tanışlıq (ekologiya), intellekt, rəsm, yapma, qurama, təşkil etmə, musiqi və rəqs.
Necə öyrənirik?
Məşğələlər, əsasən oyun şəklində keçirilir. Bunlar riyazi, ekoloji, intellektual və çubuğ oyunlarıdır. Bu metodlardan biz ən layiqli və effektiv formanı – uşaqlara təlimin kompleks sistem halında verilməsini seçmişik. Riyaziyyat məşğələlirində mövzu riyazi oyunlarla inkişaf etdirilir və möhkəmləndirilir. Tədris zamanı pedaqoq-novator N.Zaytsevin sürətli hesablama və oxuma metodu ciddi şəkildə həyata keçirilir.
Uşaq əlinin yazıya öyrəşməsi üçün ayrıca bir məşğələ-barmaq oyunları da yaradılıb. Bədii ədəbiyyat məşğələlərində uşaqları azərbaycan, rus və dünya klassiklərinin ən gözəl bədii əsərləri ilə tanış edirik.
Öyrənilənlərin möhkəmləndirilməsi üçün həftədə bir dəfə ev tapşırığı veririk.
Bizim ənənələr
 Bu illər ərzində öz ənənələrimiz də formalaşdı. Bunlardan bir neçəsini qeyd etmək istərdik.
Uşaqların doğum gününü qeyd edirik.
”Qoğal”, ”Şalğam” , ”Balaxana”, ”Lağlağı milçək”, ”Üzüyü kim tapacaq”, ”Qarğa və tülkü” kimi nağıl, şer və əfsanələrin səhnələşdirilməsi təlim-tərbiyə prosesinin bir hissəsinə çevrilmişdir.
Biz payızı Puqalonun bostanında yola saldıq, Çippolino ilə birlikdə isə meyvə və tərəvəzlərin nağıllar aləminə səyahət etdik.
Yeni ildə uşaqlar “Şelkunçik” baletini oynadılar.
Əziz analarımızı və müəllimlərimizi 8 Mart münasibəti ilə “Canavar və yeddi keçi” nağılının motivləri əsasında hazırlanmış “Ana” musiqili tamaşası ilə təbrik etdik.
Artıq 2 ildir ki, biz ingilis dili gecələri hazırlayırıq.
Uşaqların müdafiəsi günündə yekun konsert zamanı uşaqlar “Yeddi gözəl” və “İlin fəsilləri” baletini oynadılar.
Bu tədbirlər sayəsində uşaqlar incəsənətin balet,musiqi kimi növlərini bildilər, teatrla tanış oldular.
3-4 yaşlı uşaqlar C.Rodarinin yaradıcılığını dərk etdilər, P.Çaykovski, Q.Qarayev və Vivaldinin musiqilərini hiss etdilər.
Uşaq bağçasının bütün kollektivinin iştirakı ilə hazırlanan və aparılan kütləvi tədbirlər, səhnəyə çıxış, hətta mikrofonun mövcudluğu belə uşaqların diqqətini səfərbərliyə alırhərəkətin dəqiqliyini tərbiyə edir,uşaları buna təhrik edir və onlarda özünə əminlik yaradır. Yaradıcılıq qabiliyyəti inkişaf etdikcə biz onları incəsənətin daha yüksək pillələri ilə tanış edirik.
Valideynlərlə işləyərək biz qarşımıza ümumi bir məqsəd qoyuruq: tərbiyəçilər-valideynlər-uşaqlar komandasını yaratmaq.
Yeni başladığımız hər bir işdə valideynlərdən tam dəstək alırıq. Bundan əlavə bizim valideynlər yüksək tələb nümayiş etdirirlər. Hər gün valideynlər iclası olur və informasiya mübadiləsi aparılır. Müsbət hal odur ki,uşaqların inkişafına olan bu böyük marağın özü dərs prosesini yaradır.
2007-2008-ci dərs ili üçün tədbirlər təqvimi
Noyabr - S.Mixalkovun rəhbərliyi ilə ”Ancaq bizim Uşaq bağçasında...” adlı şənlik
Dekabr - “12 ay” nağılı.
Mart - “Düyməcik” və “Tıq-tıq xanım” nağılları.
May - hesabat konserti. | 
