Məktəbə qəbul qaydaları

Məktəb haqqında ətraflı məlumat əldə etmək üçün Siz münasib bildiyiniz vaxtda “Ü.T.M. – XXI Əsr”-ə müraciət edə bilərsiniz.

• İntellektual hazırlıq səviyyəsi: ətraf aləm haqqında təsəvvürü, istiqaməti müəyyənləşdirmək bacarığı;
• Psixi proseslərin (diqqət, yaddaş, qavrama) formalaşması, müəyyən bilik ehtiyatının olması, böyüklərin verdiyi tapşırığı ayırd etmək bacarığı;
• Əlin xırda motorikasının inkişafı, qələm, karandaş tutmaq bacarığı, plastilinlə və müxtəlif əşyalarla iş görmə qabiliyyəti;
• Uşağın məktəbdə oxumaq istəyi və hazırlığı. Əsas odur ki, uşağı məktəbin xarici atributları (portfel, dəftər) deyil, daha çox bilik, bacarıq və vərdişlər əldə etmək arzusu cəlb etsin.

1. Uşaqların qəbulu boş yerlərdən asılı olaraq il ərzində aparılır. I mərhələdə uşaqlar intellektual səviyyəni, yaradıcı qabiliyyətləri və şəxsi keyfiyyətləri müəyyən edən psixoloji testdən keçirlər. II mərhələdə şagirdin bilik səviyyəsini müəyyən etmək məqsədilə ayrı-ayrı fənlər üzrə testləşdirmə keçirilir. Hesab edilir ki, xüsusi dəstəyə ehtiyacı olanlar istisna olmaqla, hər bir uşaq yaş həddinə uyğun qrupun və ya sinfin tədris proqramını mənimsəyə bilər.
2. Məktəb bilik səviyyəsi tədris proqramına uyğun olmayan uşaqları qəbul etməmək hüququnu özündə saxlayır.
3. Siniflər yaş prinsipinə görə formalaşdırılır. Siniflərin əksəriyyətində şagirdlərin tədris proqramını mənimsəmə səviyyəsi müxtəlifdir. Buna görə də tədris proqramı hər bir uşağın fərdi xüsusiyyətlərini, onun potensial imkanlarını nəzərə alan üç modulda aparılır. Bu cür yanaşma müəllimlərə dərsləri şagirdlərin il ərzində yüksək nəticə əldə etmələrinə şərait yaradan plana uyğun keçirmək imkanı verir.
4. Uşağın qəbul nəticəsi qənaətbəxş olmadıqda valideynlərə övladlarının məktəbə şərti qəbul olunduğu bildirilir. İl ərzində müəllimlər təqdim olunan proqramın uşağın səviyyəsinə nə qədər uyğun olduğunu qiymətləndirəcəklər. Müsahibənin və diaqnostik testləşdirmənin nəticəsinə uyğun olaraq, valideynlərlə müqavilə imzalanır və onların istəyinə uyğun olaraq aylıq və ya illik təhsil haqqı keçirilir.

Hörmətli valideynlər ətraflı məlumat almaq üçün “Ü.T.M. – XXI Əsr”-lə elə indi əlaqə saxlaya bilərsiniz. Burada sizə övladlarınız naminə yüksək məqsədlərə nail olmaq üçün artıq nələrin yaradıldığı və birgə səy nəticəsində nələr edə biləcəyimiz haqqında məlumat veriləcəkdir. Həmçinin sizi təhsilin keyfiyyətini artıran tədris texnologiyası ilə tanış edəcəklər. Bu isə öz növbəsində, sizin köməyinizlə, uşağınızı öz gücünə inamlı edəcək.