“XXI ƏSR” Ümumtəhsil Mərkəzində dünya şöhrətli yazıçı Çingiz Abdullayevlə görüş. |
| |
|
| |
15 may 2009-cu il tarixində “XXI ƏSR” Ümumtəhsil Mərkəzində dünya şöhrətli yazıçı Çingiz Abdullayevlə görüş keçirildi.Görüşün əsas məqsədi şagirdlərdə müasir Azərbaycan ədəbiyyatına olan marağı artırmaq və onları dünya şöhrətli yazıçı Çingiz Abdullayevlə daha yaxından tanış etmək idi.
.jpg) 
Tədbir yazıçının həyat və yaradıcılığına həsr olunmuş kiçik filmlə başladı.Sonra söz “XXI ƏSR” Ümumtəhsil Mərkəzinin direktoru Vəfa xanım Məmmədovaya verildi.Vəfa xanım sözə siyasi detektiv janrının banilərindən birinin məhz azərbaycanlı olması ilə fəxr etdiyini bildirməklə başladı.Çıxışının sonunda Vəfa xanım sözü tədbirin qəhrəmanı, xalq yazıçısı, Azərbaycan Yazıçılar İttifaqının katibi, PEN klubun Azərbaycan üzrə vitse-prezidenti, hüquq elmləri doktoru Çingiz Abdullayevə verdi.
.jpg) 
Çingiz Abdullayev əvvəlcə “XXI ƏSR” Ümumtəhsil Mərkəzi ilə bağlı təəssüratlarını şagirdlərlə bölüşdü.Yazıçı əsərlərindəki hadisələrin həyata uyğun olduğunu, tam şəkildə müəyyən təbəqələrə məxsus olan insan talelərini əks etdirdiyini söylədi.
Çingiz Abdullayevin çıxışından sonra söz Azərbaycan Dillər Universiteti, Azərbaycan ədəbiyyatı kafedrasının rəhbəri dosent Fəridə xanım Səfiyevaya verildi.Fəridə xanım Çingiz Abdullayevin Azərbaycan ədəbiyyatındakı rolunun detektiv janrı çərçivəsindən kənara çıxdığını, onun əsərlərinin əsas mövzusunun birbaşa insan olduğunu bildirdi.Eyni zamanda o, Mərkəzin şagirdlərini Çingiz müəllimin valideynlərinə olan hörmət və məhəbbətindən örnək götürməyə çağırdı.
Bundan sonra Çingiz Abdullayev onun yaradıcılığını yaxından izləyən Mərkəzin müəllim və şagird kollektivinin suallarını cavablandırdı.
 
Tədbirin sonunda isə yazıçı şagird və müəllimlərə öz dərin təşəkkürünü bildirdi.
|
| |
Cəfərova S.
18.05.2009 |
