  Yuxu – sərt yataqda kürəyi və ya qarnı üzərində uzanmış vəziyyətdə yatmaq lazımdır.- Ayaqqabı – təbii dəridən, alçaqdabanlı, altı çox da düz olmayan ayaqqabı geyinmək məsləhətdir.
- Rejim – dərsin və istirahətin qrafikinə ciddi riayət etmək şərtdir.
- İdman – daha çox hərəkətdə olmaq, xüsusilə üzgüçülüklə məşğul olmaq faydalıdır.
- Vərdişlər – bir ayaq üzərində dayanmaq, dirsəklənmiş və ya önə əyilmiş vəziyyətdə oturmaq qəti qadağandır.
- Çanta – sərt özüllü bel çantası daşımaq vacibdir.
Uşaqda daxili intizam hissini inkişaf etdirin. O özü öz qamətinə nəzarət etməli, gündəlik müalicəvi idmanla məşğul olmalı və gün rejiminə düzgün riayət etməlidir.
Kürəyin sağlamlığı üçün düzgün qidalanma vacib şərtdir. Xüsusilə kalsiumun onurğa sütunun və sümüklərin inkişafı üçün bilavasitə əhəmiyyəti var.
Əziz valideyinlər, unutmayın ki, övladınızın sağlam gələcəyi sizin əlinizdədir!
Sağlam olun
Bir çox valideynlər övladlarının tez-tez soyuqlamasından narahat olurlar. Amma onların ağızdan nəfəs almalarına əhəmiyyət vermirlər. Yeri gəlmişkən qeyd edək ki, bu hadisələr çox vaxt bir-birilə əlaqəli olur. Əlbəttə ki, ağızla nəfəs almaq burun çəpərinin və ya adenoidlərin əyilməsi nəticəsində də ola bilər və bu halda həkimin müdaxiləsi vacibdir. Bəzən isə uşaqlar sadəcə olaraq soyuqdəymə və burun tutulmaları nəticəsində ağızla nəfəs almağa adət edirlər. Bu isə yenidən soyuqdəyməyə səbəb olur. Əgər uşaq düzgün, yəni burundan nəfəs alırsa, hava nəmlənir, soyuqda qızır, istidə sərinləşir, mikrob və viruslar orqanizmə daxil ola bilmir.
Ağızdan nəfəs alanda isə belə müdafiə səddi olmur, quru və soyuq hava birbaşa ağ ciyərlərə daxil olaraq, ÜRX (Ümumi Reseptor Xəstəliklər) və ÜRVİ(Ümumi Reseptor Virus İnfeksiyası), angina, bronxit və digər xəstəliklər törədir. Tənəffüs gimnastikası müxtəlif xəstəliklərin müalicəsində istifadə olunan qədim və təsirli metoddur. Xüsusilə də burun – boğaz xəstəlikləri, sinusoit, renit, bronxit, haymorit, həmçinin qaçılmaz uşaq xəstəliyi ÜRX-nin müalicəsinə kömək edir. Tənəffüs gimnastikasından hətta bronxial astma, pnevmaniya və müxtəlif əsəb xəstəliklərinin, məsələn pəltəkliyin müalicəsində də müvəffəqiyyətlə istifadə olunur.
Əgər uşaq müntəzəm olaraq tənəffüs gimnastikası ilə məşğul olursa, onun immuniteti artır, orqanizmin soyuqdəyməyə və müxtəlif infeksiyalara qarşı müdafiə qabiliyyəti yaxşılaşır. Bundan əlavə, tənəffüs gimnastikası orqanizmin maddələr mübadiləsini də yaxşılaşdırır. Tənəffüs gimnastikası orqanizmin ümumi möhkəmlənməsinə kömək edir. Əvvəla o, qanın oksigenlə zənginləşməsinə, daha sonra sinir sisteminin yaxşı formalaşmasına, nəhayət, uşağın bədəninin, xüsusilə, döş qəfəsinin normal inkişafına, düzgün qamətin əmələ gəlməsinə kömək edir.
Tədqiqatlar sübut edir ki, tənəffüs gimnastikası, həyat fəaliyyətini artırır, yaddaşı möhkəmləndirir, məktəblilər üçün daha vacib olan diqqəti cəmləşdirməyə kömək edir.
Bunu da ununtmaq lazım deyil ki, kiçik yaşlı məktəbliləri, yeniyetmələri, yuxarı sinif şagirdlərini daim stress, münaqişələr izləyir və bu daimi əsəb gərginliyi onların sağlamlığına pis təsir göstərir. Təsadüfi hal deyildir ki, uşaqlar çətin vəziyyətdə özlərini necə aparacaqlarını bilmirlər. Bu da onlarda aqresiya, əsəbilik, sinir pozğunluğu yaradır. Tənəffüs gimnastikası bu halda da kömək edir. Onun köməyilə uşaqlar öz vəziyyətlərini idarə edə bilir, özlərinə və onu əhatəsində olduğu insanlara zərər yetirmədən neqativ enerjidən azad olurlar. |
