Bakı Dövlət Universiteti
Bakı Dövlət Universiteti – Şərqdə 1919 ildə yaradılmış ilk ali təhsil müəssisəsidir. Hazırda Bakı Dövlət Universiteti Azərbaycanın qabaqcıl tədris ocağıdır və təhsil siyasətini təyin edən ali məktəbdir. Bu gün Universitetdə 16 fakültə fəaliyyət göstərir ki, burada da 20000 tələbə təhsil alır.
“Ü.T.M – XXI – Əsr”-in şagirdləri hər il Universitetin laboratoriyalarında təcrübə keçirlər. Şagirdlərin bu Universitetdə təhsil almaq maraqlarını nəzərə alaraq mərkəzimiz onların Universit  etin tədris sistemi ilə yaxından tanış olmaqlarını məmnuniyyətlə qəbul edir.
Qeyd etmək lazımdır ki, “Ü.T.M – XXI – Əsr” əməkdaşlıqda yeni təşəbbüs irəli sürür. Tədris təcrübəsi keçmək üçün mərkəzimizin qapıları BDU-nin tələbələrinin üzünə açıqdır.
www.bsu.az
Azərbaycan Dillər Universiteti
Azərbaycan Dillər Universiteti – Azərbaycanın nüfuzlu ali məktəblərindən biridir. 1937 ildə Azərbaycan Pedaqoji İnstitutunun nəzdində Xarici Dillər fakültəsi kimi yaradılmışdır. 1973-cü ildə isə Azərbaycan Xarici Dillər Pedaqoji İnstitutu kimi müstəqil fəaliyyətə başlamışdır.
Dillər Universiteti çərçivəsində bakalavr pilləsi üzrə 4000-dən çox, magistr pilləsi üzrə isə 900-ə yaxın tələbə təhsil alır. “Ü.T.M – XXI – Əsr”-in şagirdləri ingilis dilini dərinləşmiş proqram üzrə keçirlər ki, bu da onlara dünyanın nüfuzlu universitetlərində təhsil almağa imkan verir. Bunlardan biri də Azərbaycan Dillər Universitetidir.
www.adu.edu.az
H.Əliyev adına Müasir Təhsil Kompleksi
H.Əliyev adına Müasir Təhsil Kompleksi öz fəaliyyətinə 2001-ci ilin sentyabr ayında başlamışdır. “Ü.T.M – XXI – Əsr”-in bu müasir təhsil kompleksi ilə partnyorluq əlaqələri  vardır. Bizim mərkəzimiz kimi MTK-da öz tədris sistemində "İntellekT" texnologiyasını tətbiq edir. Həmçinin bu tədris müəssisələri daimi əlaqədədir və müxtəlif yerli və beynəlxalq layihələrdə iştirak edirlər. 2007-ci ildən etibarən MTK-nin şagirdləri Beynəlxalq "İntellekT" Olimpiadasında iştirak edir, və bununla da “Ü.T.M – XXI – Əsr” lə birlikdə Azərbaycan Respublikasının vahid komandasını yaradırlar.
www.mtk.edu.az
Bakı Avropa Liseyi
Lisey öz fəaliyyətinə 1991-ci ildə bir neçə lisey sinifləri ilə başlayıb. 1994-cü ildə liseyin müstəqil fəaliyyət mərhələsi başlayıb. Liseyin təsisçiləri Amerika və Avropa təhsil strukturları təcrübəsini tətbiq etmək üçün böyük əmək sərf etmişlər. Liseydə tədris innovasiya texnologiyası əsasında qurulmuş və müasir dünya tələblərinə cavab verir. Bakı Avropa Liseyinin əsas məqsədi uşaqların intellektual və yaradıcı imkanlarının aşkar edilməsi və onların inkişafı üçün bütün şəraitin yaradılmasıdır. “Ü.T.M – XXI – Əsr” Bakı Avropa Liseyi ilə sıx əməkdaşlıq edir. “Ü.T.M – XXI – Əsr”-in və Bakı Avropa Liseyinin şagirdləri müxtəlif layihələrin həyata keçirilməsi sahəsində birgə iştirak edirlər.
www.bel.az
Baku Oxford School
1998-ci ildə yaradılmış və Bakı şəhərinin dinamik inkişaf edən özəl təhsil mərkəzlərindən biridir. Məktəb “GUNAR” tədris texnologiyası əsasında yaradılmış və sonralar Oksford dil mərkəzi tərəfindən tanınmışdır. “GUNAR”ın yaradılmasının əsas məqsədi təhsil sahəsində qabaqcıl texnologiyaların öyrənilməsi, işlənilməsi, və tədris prosesinə tətbiq edilməsidir. “Ü.T.M – XXI – Əsr” yarandığı gündən bu məktəbi ən yaxın yerli partnyorlardan biri kimi qəbul edir və innovasiya texnologiyası sahəsində geniş əməkdaşlıq edir.
www.bakuoxfordschool.com
Azərbaycan Tibb Universiteti
Böyük tarixi ənənələrə malik olan Azərbaycan Tibb Universiteti bu gün özünün məhsuldar dövrünü yaşayır. Bununla Universitet müstəqil Azərbaycan səhiyyəsinin inkişafına öz layiqli töhvələrini verir, respublikanın çiçəklənməsi üçün inamlı yol açır. İndi Universitetin müalicə profilaktikası, pediatriya, tibbi biologiya, stomatologiya və əczaçılıq fakültələrində 7658 tələbə və hazırlıq şöbəsinin 68 dinləyicisi təhsil alır. Burada təhsil alan tələbələrdən 472 nəfəri Türkiyə, İran, Asiya, Afrika və Latın Amerikası ölkələrindən gələn gənclərdir. Hazırda Universitetin 6 tədris korpusu var. Məşğələlər Bakı şəhərinin klinik xəstəxanalarının bazasında, doğum evlərində, dispanserlərdə, poliklinikalarda, mərkəzi apteklərdə və gigiyena-epidemiologiya mərkəzlərində aparılır.
28 dekabr 2007-ci il tarixində “Ü.T.M. – XXI Əsr” bu qabaqсıl təhsil müəssisəsi ilə əməkdaşlıq haqqında saziş imzaladı və bununla da əməkdaşlığa doğru yeni addım atdı. İmzalanmış müqaviləyə əsasən müəssisələrimiz qarşılıqlı anlaşma və dostluq əlaqələrinin gələcəkdə genişləndirilməsi və möhkəmləndirilməsini nəzərdə tutur.
www.amu.edu.az
“Ü.T.M – XXI – Əsr” müxtəlif yerli və beynəlxalq layihələrdə iştirak edir. Bunun nəticəsində biz daimi partnyor qazanırıq ki, onlarla da bizi uzunmüddətli dostluq əlaqələri birləşdirir.Mərkəzimiz əməkdaşlıq üçün həmişə açıqdır.
Arzu edənləri bizimlə əməkdaşlığa dəvət edirik, və onlardan maraqlı təkliflər gözləyirik... | 
