Güzəşt

Təhsil haqqına edilən endirim və güzəştlərin qayda və şərtləri:

Mərkəzə qəbulda və təhsil prosesi zamanı endirim və güzəştlər aşağıdakı hallarda tətbiq olunur:

  • Birdəfəlik ödəniş endirimi

    Valideyn illik təhsil haqqını tam olaraq və ya hissəvi ödəyə bilər. Təhsil haqqını avqust ayının 1-dək tam şəkildə ödəyən valideynlərə 5% endirim tətbiq edilir. Birdəfəlik ödəniş üzrə endirim bu tarixdən sonra tətbiq edilmir.
  • İllik qəbul kampaniyası üzrə tətbiq edilən endirimlər:

    Hər il mart ayından may ayınadək olan dövr ərzində növbəti dərs ili üçün həyata keçirilən qəbul zamanı müvafiq illərin tələblərinə uyğun şəkildə kampaniyalar təşkil oluna bilər.  Cari ilin kampaniya şərtləri ilə müvafiq keçiddən tanış ola bilərsiniz.
  • Əməkdaşlar üzrə tətbiq olunan güzəştlər:

Ən az iki il müddətində Mərkəzdə daimi ştat üzrə çalışan və məktəbin inkişafında xüsusi xidmətləri olan əməkdaşların övladlarının təhsil haqqına Müşahidə Şurasının qərarına əsasən 50% güzəşt tətbiq edilə bilər. Bu endirimlər yalnız əməkdaşların öz uşaqları üçün tətbiq olunur. Bir əməkdaş üzrə maksimum güzəşt edilən şagird sayı 2-dir.

  • Eyni ailə üzvləri üzrə endirim:

Mərkəzdə eyni ailədən təhsil alan birdən çox uşağın (qardaş/bacı) olması halında növbəti uşaqların təhsil haqqına 10% endirim tətbiq edilir. Endirim yalnız bir ata və ya ananın uşaqlarına tətbiq oluna bilər. Bu endirim yaxın qohumluq əlaqəsi olanlara və ya eyni babanın (nənənin) nəvələrinə tətbiq olunmur. Təhsil alanların təhsil haqqıları arasında fərq olduqda, endirim ən aşağı təhsil haqqına tətbiq olunur.

  • Məzun endirimi:

Mərkəzin məzunlarının övladlarına (valideynlərdən hansı birinin məzun olmağından asılı olmayaraq) Mərkəzdə göstərilən bütün təhsil pillələri üzrə təhsil haqqına 10% loyal məzun endirimi tətbiq edilir. Bu endirimdən istifadə etmək üçün valideyn tərəfindən Mərkəzdən məzun olduğunu göstərən müvafiq attestat təqdim olunur.

  • Tədris ili daxilində qəbul (natamam il) üzrə endirimlər:

Tədris ili daxilində qəbul (01 noyabr-31 dekabr) tarixlərində qəbul olunan şagirdlər üçün müvafiq təhsil ilinin təhsil haqqına 10% nisbətində endirim tətbiq edilir.

Tədris ili daxilində qəbul (01 yanvar-31 mart) tarixlərində qəbul olunan şagirdlər üçün müvafiq təhsil ilinin təhsil haqqına 30% nisbətində endirim tətbiq edilir.

Tədris ili daxilində qəbul (01 aprel-15 iyun) tarixlərində qəbul olunan şagirdlər üçün müvafiq təhsil ilinin təhsil haqqına 50% nisbətində endirim tətbiq edilir.

  • İstedadlı şagirdlərin təşviq olunması məqsədilə həyata keçirilən güzəştlər

Müşahidə Şurasının qərarı ilə məktəbə qəbul imtahanı təşkil edilərək yüksək nəticə gösətərən (ilk 3 yeri tutan) namizədlərə illik təhsil haqqında müvafiq olaraq 50%, 30% və 20% güzəşt tətbiq edilə bilər;

Respublika fənn/layihə olimpiadalarında və Beynəlxalq fənn/layihə olimpiyadalarda ilk 3 yeri tutmuş Mərkəzin cari şagirdlərinin (növbəti dərs ilindən başlamaqla) və ya yeni müraciət edən şagirdlərin illik təhsil haqqına aşağıdakı qaydada endirim və güzəştlər tətbiq olunur:

Beynəlxalq fənn olimpiadalarında ilk 3 yer tutmuş şagirdlərə:

1-ci yer: 100%

2-ci yer: 50%

3-cü yer: 30%

Beynəlxalq layihə olimpiadalarında ilk 3 yer tutmuş şagirdlərə:

1-ci yer: 50%

2-ci yer: 30%

3-cü yer: 20%

Respublika fənn olimpiadalarında ilk 3 yer tutmuş şagirdlərə:

1-ci yer: 50%

2-ci yer: 30%

3-cü yer: 20%

Respublika layihə olimpiadalarında ilk 3 yer tutmuş şagirdlərə:

1-ci yer: 30%

2-ci yer: 20%

3-cü yer:10%

  • Qarabağ müharibəsi qaziləri və şəhid övladlarına tətbiq olunan güzəştlər:

Vətən Müharibəsi şəhidlərini övladlarına 100% nisbətində (eyni anda təhsil alan maksimum 10 şagird olmaqla);

Vətən Müharibəsi qazilərinin övladlarına 50% nisbətində güzəşt tətbiq edilir (eyni anda təhsil alan maksimum 10 şagird olmaqla).

Sözügedən güşətlər YAŞAT Fondu vasitəsilə tətbiq edilir.

 

Qeyd: 

  • Bütün növ endirim və güzəştlər tətbiq edilərkən müraciət olunan sinfin doluluq nisbətinə baxılır. Doluluq nisbəti yüksək olan siniflərdə güzəşt tətbiq olunmaya bilər.
  •  Birdəfəlik ödəniş, natamam il, ailə üzvləri və kampaniya endirimlərindən başqa digər bütün növ endirim və güzəştlər üçün rəhbərlik adına ərizə yazılır və ərizələrə Müşahidə Şurası tərəfindən baxılaraq müvafiq qərar verilir.

 

Aşağıdakı hallarda şagirdlərə tətbiq olunan güzəşt və endirimlərə yenidən baxıla və ya ləğv oluna bilər:

  • Ödənişlərin təsdiq olunmuş ödəniş cədvəlinə uyğun aparılmaması və ardıcıl iki ay gecikmə hallarının yaşanması;
  • Endirim tətbiq olunan şagirdin Mərkəzin nizam-intizam qaydalarını ciddi şəkildə pozması halları;
  • Əməkdaşın Mərkəzdəki işinə xitam verilməsi;
  • İstedadlı şagirdlərə tətbiq edilən endirimdən istifadə edən şagirdlərin sonrakı illərdə dərslərdə açıq və davamlı geriləmələrinin müşahidə edilməsi;
  • Qardaş və ya bacılardan hər hansı birinin Mərkəzdən ayrılması.

BİZƏ QOŞULUN