Azərbaycan təhsilində yenilikçi yanaşması ilə seçilən və artıq beşinci dəfə təşkil olunan “XXI Əsr Bacarıqları” Məktəblilərarası Olimpiadasının seçim mərhələsi 3 may tarixində uğurla baş tutdu.

Olimpiadanın seçim turunda V–VI və VII–VIII sinif şagirdlərindən ibarət komandalar iştirak edərək öz bilik, bacarıq və əməkdaşlıq qabiliyyətlərini nümayiş etdirdilər. Maraqlı tapşırıqlar və rəqabətli mühit iştirakçılara həm öyrənmək, həm də öz potensiallarını ortaya qoymaq imkanı yaratdı.

Tədbir boyunca şagirdlər tənqidi düşünmə, problem həll etmə, komanda işi və yaradıcılıq kimi XXI əsr bacarıqlarını nümayiş etdirərək yüksək fəallıq göstərdilər. Komandalar arasında sağlam rəqabət və əməkdaşlıq ruhu tədbirin əsas xüsusiyyətlərindən biri oldu.

Qeyd edək ki, olimpiadanın final mərhələsi 24 may tarixində keçiriləcək. Finalda iştirak hüququ qazanan komandalar qalibiyyət uğrunda mübarizələrini davam etdirəcəklər.

Bütün iştirakçılara uğurlar arzulayır, final mərhələsində onlara yeni nailiyyətlər və uğurlu nəticələr diləyirik!